الله يسامحك يا زمن / بقلم : الشاعر : احمد المهاجر
الله يسامحك يازمن خليت الحب ملوش قيمه
نعشق ونتمنى الرضا منهم ولو قلوبنا حزينه
نفرح لهم وندارى كل اللي يقلقهم ونجي علينا
ولو شوكه شكتهم فقلوبنا الشكه تيجي وعنينا
هم الحبايب ياناس والدنيا من غيرهم مريره
الحب هم والهنا هم وكل حاجه حلوه جميله
حبينا الدنيا عشانهم وبنيناها كلها فعنيهم
دول هم الحياه والهوا والعشق ايوه كله فيهم
ومرت الايام مابين حبهم والدنيا واللي فيها
عذاب يادنيا عذاب قطعيني وخلي الهنا ليها
مش هتفرق مهما عملتي معايا بس حبيها
دى عمرى اللي عيشته والحلم الجميل بيها
اه يازمن نزلت دمعتي ودمعة الرجال عظيمه
قسيت عليه وانا اللي ياما اديت الغالي قيمه
وفلمح البصر اتغيرت ملامح كانت حبيبه
والغدر وقت الضعف ياعالم مصيبه صعيبه
ياخساره راحت علينا بعد مادينا وياما هنينا
يالعبة الايام نزلتي الدمعه العزيزه ليه هنتينا
الله يسامحك يازمن خليت الحب بلا قيمه
بقلمي الشاعر احمد المهاجر
تعليقات
إرسال تعليق