الحاوي بقلم الشاعر رحيم الشيخ طه

(الحاوى )

حاوى  حوى الناس  حوليه  بكلماته
يقول كلام  معسول.وتلدغك  حياته
ويحكى ف المعقول وجميله حكاياته
ويصلى زى  الناس ويمد   ف صلاته
وعلى رأى المثل اللى اختشوا ماتوا
الناس  ف  كلامه  تدوب  وما توب
والكل   ينسى   بعد   اللدغ    آناته
ولا  كآنه  اتدلغ  .ولا صرخ   بآهاته

حاوى  لعب وع الكل خالت الاعيبه
لسانه نقط شهد ولا مره  بان عيبه
وكلامه زى السهد.شاطر ف اساليبه
لوحدقاطع الكلام الباقى يقول سيبه
دا كلامه كله درر من صغره لمشيبه
والكلمه عنده بفلتر تسبقها آجاويبه
ناعم ورومانسى ودايبين ف دباديبه
ماهو حاوى  وجرابه. مليان بكدباته

تنظر لوشه تشوف البراءه فى عنيه
ويكلمك  بكسوف.ولا يبانش  عليه
ويشرحلك الظروف وتقول ذنبه ايه
يقعد ملازمه الأدب ولا تنخدع  فيه
وعامل ابن الحسب بس الأدب يعنيه
لكن فى طبعه النار ولابحر هيطفيه
حاوىوبتاع حكاوى بحياته ومماته 

وبسمته مصحباه ومفشوخه اسنانه
وفوق قورته زبيبه بصلاحه بايمانه
ورافع شعار الحب والصدق عنوانه
وناس تطلب رضاه ويعلو من شانه
ساعه يقول الآه يقفوا  فى  ميدانه
يدعلوا   بالشفا  او يمرضوا   مكانه
غاوى دلع وبتاع بدع وكتيره علاته
حاوى يذل فى كلامه وينسى ذلاته

بقلمى رحيم الشيخ طه