العصفور الوليف ...( عاميه ) الشاعر فتحي عبدالله

العصفور الوليف ...( عاميه )

العصفور ليه هاجر عشه
فات الجنه وراح لعذابه
فات الارض وعشق الخضره
فات الكل ونسي صحابه
بصحيح ماشي وتقدر تنسي
بصحيح قلبك قادر يقسي
ولا مسير العصفور راجع
بعد الغربه يشوف احبابه
كان له وليفه في حضن الشجره
تشقي معاه علي لقمة بكره
كان في تعبهم شئ يسعدهم
تيجي الراحه قوام تفرحهم
كانوا عايشين ويا محلي العشره
كان السر مابين عصفورته
الحلوه حبيبته
سر مابين قلبين حبيبين
لا في يوم اشتكوا احوالهم
ولا في يوم باحوا بشئ يجرالهم
كل دا كان السر في بير
كان يجمعهم قلب كبير
قلب الشجره الخايفه عليهم
ريح البرد
وحر الشرد
حضنت عش الحب وفردت
شعر الضل نسيم لراحتهم
لحظه وهبت موجة ريح
اخذت كل زهور تفاريح
سرقت عصفور من عصفورته
قعدت تبكي بقلب جريح
لما نسيم الشوق بيهفهف
تلقي جناحها الحلو يرفرف
لسه املها كبير في حبيبها
اللي ما فكر عمره يسيبها
بكره هيرجع تاني وليفها
زي عوايده لقلبه الطيب
يزرع كل عيدان الحب ويفرش
تاني البسمه تنور بابه
يعرف ان مفيش في الدنيا
احلي واجمل من احبابه

مع تحيات الشاعر فتحي عبدالله