سهري وصداعي بقلم الشاعر Nasser Atta

..... **** سهري وصداعي **** ....

فين الدهب ياناس .. دا سهري وصداعي
أشرب دموعي كاس .. أكتب بأوجاعي
كتب القلم قرطاس .. من دمي ودموعي
كترت حروف الآه .... تايه مع شراعي

قالوا حروفك دهب .. أنا قلت ده ألمي
قلبى حواه التعب .... دمع الوطن قلمي
شوق الغريب انكتب ... رسم القلم علمي
كترت حروف العتب ... حضنت أوجاعي
غاب القمر ياليل ... والنجم متخفي
قلبي هرب مني ... قلمي حضن كفي
دمع الوطن محتار .. نازل على كتفي
ابن الوطن سواح .. والقلب بيراعي
باكتب حروف وكلام .. يمكن تداويني
اواسي كل الناس .. ومين يواسيني
طبع الزمن قلاب .. على قلبي ياعيني
تعبت والله خلاص .. يا وطني وصداعي
الحلم لو طراح ... ماعشنا فى الويله
ممكن فى يوم نرتاح .. من الوجع ليله
نفسي ألاقي سماح ... والحضن ضليله
يرجع حبيبي ينام .. ياوطني فى دراعي
بقلمى الشاعر ناصر عطامحمد
بقلمي Nasser Atta