فارس وحور/ بقلم الأستاذة الشاعرة ناهد الموجي ( مصر

حط جمب الاسم ورده⚘
وارسم الاحلام جذور🌱
من  فوقيها طيرة  فارده
الجناح علشان  تدور🕊

واما اخر سطر ترسى
خلي بالك اوعى تنسى

قبل  بوابة المرور🏡🌪
زركش الصفحة زهور
واملا اركانها بنور

 ف الشعاع الجي من أعلى علينا💥
حط اسمك جوى اسمي للحضور
عد خمسة من السطور
ان لقيت الهمزة شاردة
بخر الاسم بخور
قول يا عين العدو باردة
اغطسي ف قاع البحور

الحنان مالى عنينا
والغرام شَبِك ادينا
عشقنا مطبوع علينا
فارس انت جمب حور
بقلمي✍

ناهد الموجي
شاعرة مصرية
قصيدة بعنوان (((((فارس وحور))))))