وصف السويس. بقلم الأستاذ الشاعر حربي علي (شاعر السويس. مصر

(وصف السويس)
السويس يعني :
الناس والشعب كله (سواسية)
السويس يعني :
(الطبقة الوسطى)
اللي مفيش فيها فقير ولاغني (غنا فاحش)
السويس يعني (بلد الغريب)
يعني كل من هو غريب عنها
بيعيش فيها زي شعبها بالظبط وبنفس الحقوق
السويس يعني :
(إسماعيل ياسين) نجم الكوميديا اللي لايمكن هيكون له بديل تاني
السويس يعني :
أكتر من 20 شركة بترول
يعني (شمال خليج السويس)
اللي فيه (تلت) إقتصاد مصر
من مصانع وشركات صناعات ثقيلة
السويس يعني (العين السخنة)
والقرى السياحية الجميلة
يعني :
عروسة البحر الأحمر وأكتر من خمس موانئ طالين عليه
السويس يعني :
(قناة السويس)
أسرع ممر بحري بين قارتين في إتجاهين
وأقدم مجرى ملاحي في العالم
يربط البحر الأحمر بالبحر الأبيض المتوسط
السويس يعني :
مقاومة شعبها (الأعزل)
لإسرائيل وهزيمتها في أربعة وعشرين من أكتوبر المجيد
السويس يعني :
(أيقونة) ثورة 25 يناير
والشرارة الأولى لما في تاني يوم أستشهد
(11 ثائر سويسي) فيها
السويس يعني :
(بنت أم الدنيا) كلها اللي جوه
في قلبي وعنكم
مش قادر أخفيها
  حربي علي
شاعرالسويس