شُوفْتْ لِيتيمْ/ بقلم الأستاذ الزجال . محمد حديش.19/12 2019

شُوفْتْ لِيتيمْ
~~~~~~

شُوفتْ ضَرْ لِيتيمْ حَزَّا گرْحاتْ الگلْب
ْ
 بْديكْ الأَرْضْ الْمَقَدْسا دْراري تْيَتْماتْ

صَهْبونْ مْهَمَّجْ سْفَكْ رْواحْ لَخُّوتْ حْقَدْ

لْكَبْدَا گطَّعْها نْيابْ لْقانَعْ نْهَشْ مَجْعُورْ

وَسْحابْ گطَّرْ دَمْعاتٔ دَمْ لْدوكْ لَحْبابْ

أَرْضْ الْخُّوتْ قَنْبَلْها لَعْدو بْشلاَّ حْروبْ

ؤُطفَلْ تْيَتَّمْ باكِي مَنْ قْهَرْ لَعٔدو الْكافَرْ

ماَلْگا المْحَنَّة دْفا قَجَّاتٔها الْحْقادْ دْفينْ

تْتَنكَّسْ الْيتيمْ تَگْلاعْ الْخاطَرْ حْزينْ

رِيْشاتُو مْكَرْ شَمْتَةْ حَرْ الْحَگْرَا تَرْفَسْ

شُوفْتو تْبَكِّي صْخَرْ الجْبالْ وَيَتْفَرْتَتْ

ليكُمْ الله يَتامَا الْحَقْ لَمْجَلِّي يَعْگَبْ

الْيَتيمْ حَقُّو عَزْ فازْ فَضْلُو كُلْ كْريمْ

وْصِيَّةْ سيدْ الِيتامَا نْبينَا طَهَ الْمْجَدْ

عْليهْ الصََّلاَة وَالسَّلامْ مْحَنْتو بْحورْ

بَشَّرْ أَهْلْ لْجودْ مْحَبْتُو فْضَلْ كْبيرْ

كُلْ شَعْرَا مَنْ راسُو حََسَنَة تَكْتَرْ

فَازْ جْبالْ الأَجْرْ كُلْ مَنْ كَرَّمْ الْيَتيمْ

يَاسَّامَعْ كَرّمْ الْجُودْ تْهالْيَتْ الِيتيمْ عَزْ

شَلاَّلْ الْخيرْ سَاقِي جْفا صَهْدْ الْوَقتْ

الْيتيمْ كُلْ مَنْ فاجا ضَرُّو كْريمْ الأَصْلْ

نُورْ ضَوَّا طْريقُو ؤُعْلاَّ عْلامْ شَانُو وْقَرْ

يَشْهَدْ الله مْعَزّتْ الِيتامْ فَ الگلبْ مَسْكْ

سَعْدادْتْ يَدْ كَرْماتْهُمْ بْجودْ سْخِي عْطورْ

أَجْرْ الِيتيمْ شانْ يَرْفَعْ راسْ الأُمَّة هَمَّا

ؤُكُلْ مَنْ دْخَلْ الْفَرْحَة لَگلوبْهُمْ شْريفْ

تْجاوَرْ فَ جَنَّة الرَّضْوانْ مْعَ خِيرْ الأَنَامْ

بقلم محمد حديش
م͠ج͠د͠و͠ب͠ آ͠ل͠ح͠رف
~~~~~~~~ 
2019/12/14