محاكمة وقصاص/ بقلم /سعيد السكران

محاكمة وقصاص
،،،،،،،،،،،،،،،،،،،،،،،،،،،،،،،،،
كل ألمجروحين يوم من ألحب
أتجمعوا وأعلنوا ألعصيان
وقالو عاوزين محاكمة محكمة
تنصفنا وتجيب حقنا
بشرط تكون معلنه وعلى الملأ
للناس وفي أكبر ميدان
ويتحاكم كل إللي في يوم لينا
خدع ولا جرح أو غدر أوخان
وليه يكون نصيبنا في الدنيا ألم
وناس مش ناس مرتاحة وسعيدة كمان
وفعلاً عقدو المحكمة و قالوا
القصاص بالمقصلة
لأجل ماينهو المسألة
ونادي صوت وقال......محكمة
وتعرض أول مظلمة
قال صاحبها
زماني علي جار
وياما ناس منهم سقوني مرار
وشربته لما فاق حدي
وفي كل مرة أشربه
كنت
أفتكر أنها مرة وهاتعدي
لحد ماصار ألمرار وشم
وأنطبع علي جلدي
وزادوا كمان فضلهم 
حتي توب الوجع لما
أتبدع
 ليا بأيديهم
فصلوه كمان بالضبط
علي قدي......
وحقي معاهم راح وهما
والزمان ضدي........

ونادي من وسط المجروحين
واحد وقال عندي  كلام مختصر
وها أقوله ليكم بصريح العبارة
رغم أن أي كلام فيهم خسارة
حبيت في يوم وما أهتموش
أن أنا أنسان
نبض ومشاعر وروح ودم
وأتصوروا أني أنا مانيكان
وف حبهم سقوني كل ألهم
وف لحظة غدر باعوني كمان
وبلوعتي لاحد أهتم
ولا حس بيها حد كمان
وعاوز حقي منهم
وأعرف ليه خلوني أصدقهم
برغم أنهم. كانوا
كدابين وللخداع عنوان

ونادي واحد وقال
شكوتي منهم لرب السما واصلة
لأنهم
أشباه للبشر وبيأذوني وغيري
 بطريقة متواصلة
وكل أشكال ألأذي لمشاعر
ألناس منهم حاصلة
وليه
يوعدوا ويخونوا ولصدق
 ألمشاعر ما أتعودوا
 يصونوا
فياريت
يكون حكمكم
شافي لأجل ننساهم وأفعالهم
ونبدأ سطر جديد في حياتنا
ونحط بعدهم مليون فاصلة

وبعد عرض المظالم يصدر
حكم ألمحكمة
ألناس دي لازم تكون وسطنا
ودنيا ربنا مش ابدأً علي قدنا
وبعرضكم لمظالمكم كل ألناس
صبحت متفهمة
ويكفينا نميزهم بأنهم وسط
ألخلق  صبحوا معروفين وفي
كلام ألحب تلاقيهم
.  أساتذة ومكلمة

بقلمي

،،،،سعيد السكران،،،،،